Temperatura e lartë te fëmijët dhe trajtimi natyral i saj
Nënë e dashur, duhet të dish se temperatura e njeriut ndryshon edhe kur nuk është i sëmurë, ngrihet dhe ulet, dhe ky ndryshim eshte diçka normale. Në mëngjes temperatura e trupit të njeriut është më e ulët dhe ngrihet pas drekës, e kështu.
Temperatura normale e trupit është 37.3°C ose më pak nëse matet nga goja, dhe 38.9°C, ose më pak kur matet nga anusi.
Vetë temperatura nuk konsiderohet sëmundje, por ajo në shumicen e rasteve është tregues i ekzistences së një sëmundjeje të brëndshme. Ngritja e temeraturës tregon se dicka po ndodh brenda trupit.
Shkaqet e temperaturës
- Në shumicën e rasteve trupi është duke luftuar me viruset dhe bakteriet, dhe temperatura në këtë rast mund te ndihmojë në vrasjen e viruseve. Temperatura është pjesë e mënyrës me të cilën sistemi imun i trupit lufton semundje të ndryshme si; gripi dhe ftohja e rëndë, dhembjet e veshit, etj.
- Kundërpërgjigja ndaj ilaçeve kimike ose vaksinat.
- Goditja nga dielli.
- Sëmundjet ngjitëse.
- Ndonjë lloj infeksioni si; infeksioni urinar (kjo dallohet duke urinuar shpesh dhe me dhimbje), infeksioni i grykeve (zakonisht shoqërohet me infeksion në fyt), infeksioni rreth syve (dhimbje lart syrit ose poshtë tij), ose nga dalja e dhëmbëve (në një zonë të hollë në gojë), infeksioni i veshit të mesëm (krizat e etheve të shoqëruara me shtrëngimin e veshëve).
- Ethet mund të shoqërojnë edhe daljen e dhëmbëve.
Simptomat
Simptomat e temperaturës karakterizohen si në vijim:
- Fëmija i prekur me temperaturë zakonisht e ka ballin të nxehtë.
- Fytyrën e ka të kuqe.
- Ka ethe dhe dridhje.
- Humbja e oreksit.
- Dhembje koke dhe barku.
- Është i përgjumur dhe ka vështirësi në frymëmarrje.
Nëse i ke në dyshim simptomat e shfaqura, veprimi më i mirë në këtë rast është matja e temperaturës me termometër.
Trajtimi
Çfarë duhet bërë
- Vishi fëmijës rroba të lehta.
- Ajrose dhomën e fëmijës edhe nëse jashtë është ftohtë, duke ruajtur një temperaturë konstante.
- Mund ti bësh fëmijës një banjë me ujë të vakët.
- Duhet që fëmija të pijë ujë dhe pije frutash sepse trupi në këtë rast humbet shumë ujë.
- Lyej dhe fërkoje barkun e fëmijës me uthull molle; kjo jep rezultat të shkëlqyer në uljen e temperatures.
- Lag një copë me ujë dhe uthull molle dhe fërkoji ballin, duart dhe këmbët.
Çfarë nuk duhet bërë
- Mos e vishni fëmijën trashë dhe mos e mbështillni me mbulesa sepse kështu i shtoni temperaturën.
- Mos përdorni ujë të ftohtë por të vakët.
- Mos e lyeni trupin e fëmijes me alkool sepse ai mund të djegë lëkurën e fëmijës dhe mund të arrijë deri tek damarët e gjakut.
- Mos e mbeshtillni fëmijën me peshqir të njomë sepse ndalon avullimin e avujve natyralë në trup.
Çajra bimorë për uljen e temperaturës
- Mendër e egër: merret një lugë me mendër të bluar dhe hidhet në një gotë me ujë të valuar më parë, lihet e mbuluar 10 min dhe më pas kullohet dhe pihet; përsëritet 2 herë në ditë.
- Çaji i Xhenxhenfilit.
- Çaji i gjetheve të Bliut.
- Çaji i Çikores.
- Çaji i Kamomilit.
